काठमाडौं । नेशनल माइक्रोफाइनान्स लघुवित्त वित्तीय संस्थाले संस्थापक सेयर बिक्री गर्ने भएको छ । कम्पनीले संस्थापक समूहको ३६ हजार ५ सय कित्ता सेयर बिक्री गर्न लागेको हो ।
उक्त सेयरको न्युनतम मूल्य १ हजार २२ रुपैयाँ तोकिएको छ । उक्त सेयर खरिद गर्न इच्छुक जो कोही व्यक्ति, कम्पनी, संघ/संस्थाहरुले असोज १३ गतेभित्र आवेदन दिन सक्नेछन् ।
उक्त सेयर खरिदका लागि तोकिएको न्युनतम मूल्य वा सो भन्दा बढी अंकित गरि बोलकबोल गर्नुपर्ने कम्पनीले जनाएको छ । सेयर खरिद गर्दा न्युनतम १ कित्ता र अधिकतम सेयर संख्याका लागि कुनै हद नलाग्ने कम्पनीले जनाएको छ ।
उक्त सेयरका लागि विद्यमान संस्थापकहरुलाई प्राथमिकता दिई २०७७ चैत ३१ गते देखि २०७८ जेठ ३ गतेसम्म लिलाममो सूचना प्रकाशित गरि ३५ दिनको समय दिई सकिएको सूचनामा उल्लेख छ ।
बिक्री प्रबन्धकमा आरविवि मर्चेन्ट बैंकिङ लिमिटेड रहेको छ ।
वि.सं.२०७८ भदौ ३० बुधवार ११:४१ मा प्रकाशित
