काठमाडौं । सार्वजनिक खरिद अनुगमनको कार्यालयले सात निर्माण व्यवसायी तथा आपूर्तिकर्ता कम्पनी कालोसूचीमा राखेको छ ।
सम्बन्धित कम्पनीले सम्झौतानुसारको काम समयमा नै नगरेको भन्दै कालो सूचीमा राखिएको हो । कार्यालयका अनुसार सार्वजनिक खरिद ऐन, २०६३ को दफा ६३ को उपदफा (१) बमोजिम आज (१९ गते) देखि तोकिएको अवधिसम्मको लागि सार्वजनिक निकायको कुनै पनि खरिद तथा निर्माणको काममा सहभागी हुन पाउने छैन । कालो सूचीमा १ देखी ३ वर्ष अवधिको लागि राखिएको छ ।
तीन वर्षको लागि भारतको महाराको एमएस इण्डो इञ्जिनीयरिङ प्रोजेक्ट कर्पोरेसन तीन वर्षसम्मको लागि कालो सूचीमा राखेको छ । त्यस्तै २ वर्षको लागि ल्यान्ड्रिङ निर्माण सेवालाई कालो सूचीमा राखेको छ । बाँकी ५ वटालाई भने १ वर्षको लागि कालो सूचीमा राखेको छ ।
जसमा बाँकेको विपीन भेट सेन्टर, रुपन्देहीको कक्षपति निर्माण सेवा, काठमाडौँको रचना ट्रेड इन्टरनेशनल, धादिङको नीलकण्ठ निर्माण सेवा एण्ड सप्लायर्स र चीतवनको एडभेन्चर-दि आनन्द जेभी रहेका छन् । यी कम्पनीलाई १ वर्षको लागि कालो सूचीमा राखिएको छ ।
वि.सं.२०७८ असोज १९ मंगलवार १६:२१ मा प्रकाशित
