काठमाडौं । साताको चौथो कारोबार दिन सेयर बजारमा उछाल आएको छ । उक्त दिन बजार ६८.४७ अंकले वृद्धि भएको हो ।
आज ४ अर्ब ५० करोड ६ लाख ५८ हजार रुपैयाँ बराबरको कारोबार भएको छ । आज ८१ लाख ८९ हजार ८९० कित्ता सेयर खरिदबिक्री भएको छ ।
नेपाल स्टक एक्सचेञ्ज(नेप्से)का अनुसार आज सबैभन्दा बढी सिटिजन्स बैंकको २३ करोड ४ लाख ३७ हजार रुपैयाँ बराबरको सेयर कारोबार भएको छ ।
आज कम्पनीको ५ लाख ७६ हजार ४२१ कित्ता सेयर खरिदबिक्री भएको हो । कम्पनीको सेयर मूल्य प्रतिकित्ता ३९८ रुपैयाँ रहेको छ ।
कारोबारकै आधारमा दोस्रो स्थानमा रहेको एनआईसी एशिया लघुवित्तको १६ करोड ८५ लाख ९४ हजार रुपैयाँ बराबरको सेयर किनबेच भएको छ ।
आज कम्पनीको १ लाख ५३ हजार ३३२ कित्ता सेयर खरिदबिक्री भएको छ । कम्पनीको सेयर मूल्य प्रतिकित्ता १ हजार १४० रुपैयाँ पुगेको छ ।
यस्तै, आज सर्वाधिक कारोबार हुने निर्धन उत्थान लघुवित्त वित्तीय संस्थाको १६ करोड ७८ लाख ७१ हजार रुपैयाँ बराबरको सेयर किनबेच भएको छ ।
उक्त दिन कम्पनीको १ लाख ९ हजार ९७६ कित्ता सेयर कारोबा भएको हो । कम्पनीको सेयर मूल्य प्रतिकित्ता एक हजार ५७० रुपैयाँ कायम भएको छ ।
यी कम्पनीहरुसहित आज हिमालयन डिस्टीलरीको १४ करोड ७५ लाख ३४ हजार, छिमेक लघुवित्त विकास बैंकको ११ करोड १८ लाख ९६ हजार र नेपाल बैंकको १० करोड ६३ लाख ८ हजार रुपैयाँ बराबरको सेयर खरिदबिक्री भएको छ ।
वि.सं.२०७८ असोज २० बुधवार १५:४५ मा प्रकाशित
