काठमाण्डौं । अमेरिकाका डेमोक्रेटिक पार्टीका करिब एक सय सांसदहरु प्रतिनिधि सभामा बन्दुक बिक्रीमा नियन्त्रण गर्नुपर्ने माग लिएर धर्नामा बसेका छन् ।
अमेरिकामा पछिल्लो पटक, यसै महिना फ्लोरिडाको ओरल्याण्डोमा समलिंगीहरुको एक क्लबमा भएको गोलीबारीमा ४९ जनाको मृत्यु भएको थियो । यस घटनापछि राष्ट्रपति बराक ओबामासहित कैयौं सांसदहरुले बन्दुक खरिद बिक्रीमा कडा कानुन आवश्यक रहेको बताउँदै आएका छन् ।
बन्दुक खरिद गर्नेहरुको पृष्ठभूमिको व्यापक जाँच गर्न र शंकास्पद व्यक्ति वा समूहलाई बन्दुक खरिद–बिक्रीमा पूरै प्रतिवन्ध लगाउन माग गर्दै सांसदहरु धर्नामा बसेको बीबीसीले जनाएको छ ।
९ असार २०७३, ३.३०
वि.सं.२०७३ असार ९ बिहीवार १६:४७ मा प्रकाशित
