काठमाडौं । गुराँस लघुवित्त वित्तीय संस्थाले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले चालु आवको पहिलो त्रैमासमा ३१ लाख ६३ हजार रुपैयाँ नाफा गरेको छ । जुन गत वर्षको सोही अवधिको तुलनमा ४१.४५ प्रतिशतले बढी हो । गत वर्षको उक्त अवधिमा कम्पनीले २२ लाख ३६ हजार रुपैयाँ नाफा गरेको थियो ।
कम्पनीले उक्त अवधिमा १ करोड ६२ लाख रुपैयाँ खुद ब्याज आम्दानी गरेको छ । गत वर्षको असोज मसान्तमा १ करोड ३६ लाख ८४ हजार रुपैयाँ खुद ब्याज आम्दानीको गरेको कम्पनीले यस वर्षको उक्त अवधिमा १८.३६ प्रतिशतले बढाएको हो ।
कम्पनीको चुक्ता पुँजी ८ करोड ३४ लाख रुपैयाँ रहेको छ । कम्पनीले जगेडा तथा कोषमा भने ४ करोड २५ लाख ३५ हजार रुपैयाँ राखेको छ ।
कम्पनीको खराब कर्जा पनि वृद्धि भएको छ । गत वर्षको असोज मसान्तमा ३.३२ प्रतिशत रहेको खराब कर्जा यस वर्षको ३.७६ प्रतिशत पुगेको छ ।
कम्पनीको प्रतिसेयर आम्दानी १५ रुपैयाँ १७ पैसा र प्रतिसेयर नेटवर्थ १५१ रुपैयाँ रहेको छ ।
वि.सं.२०७८ कात्तिक २८ आइतवार १३:४६ मा प्रकाशित