काठमाडौं । विहीबार नेपाली बजारमा सुनको मूल्य वृद्धि भएको छ । उक्त दिन छापावाला सुनको मूल्य प्रतितोला २ सय रुपैयाँले वृद्धि भएको हो ।
अघिल्लो काराबोर दिन ९४ हजार ३ सय रुपैयाँमा खरिदबिक्री भएको सुन आज बढेर ९४ हजार ५ सय रुपैयाँ कायम भएको छ ।
नेपाल सुनचाँदी व्यवसायी महासंघका अनुसार आज तेजावी सुनको मूल्य ९४ हजार रुपैयाँ कायम भएको छ । तेजावी सुन अघिल्लो दिन ९३ हजार ८ सय रुपैयाँमा कारोबार भएको थियो ।
यस्तै, साताको पाँचौ काराबोर दिन चाँदीको मूल्य भने स्थिर रहेको छ । अघिल्लो कारोबार दिन प्रतितोला १ हजार २८० रुपैयाँमा किनबेच भएको चाँदी आज पनि सोही मूल्य निर्धारण भएको छ ।
वि.सं.२०७८ मंसिर २ बिहीवार ११:०५ मा प्रकाशित
