काठमाडौं । साताको दोस्रो कारोबार दिन दुई कम्पनीको सेयर मूल्यमा उछाल आएको छ । उक्त दिन न्यादी हाइड्रोपावर र सामलिङ पावरको सेयर मूल्य उच्च दरमा वृद्धि भएको हो ।
कारोबारमा आएको पहिलो दिन न्यादी हाइड्रोपावर कम्पनीको सेयर मूल्य ९.९९ प्रतिशत अर्थात प्रतिकित्ता २८ रुपैयाँ ८० पैसाले वृद्धि भएको हो । योसंगै कम्पनीको सेयर मूल्य आज ३१० रुपैयाँ ५० पैसा कायम भएको छ ।
यस्तै, उक्त दिन सालिङ पावरको सेयर मूल्य पनि ९.९८ प्रतिशत अर्थात प्रतिकित्ता ३४ रुपैयाँ ६० पैसाले बढेको हो । कम्पनीको सेयर मूल्य आज ३८१ रुपैयाँ ४० पैसा कायम भएको छ ।
यी कम्पनीहरुसहित आज सानिमा लार्ज क्याप फण्ड, कालिका पावर, स्वाभिमान लघुवित्त वित्तीय संस्था, सामूदायिक लघुवित्त, हिमालयन पावर, सिटिजन म्युचुअल फण्ड–१ का लगानीकर्ताले कमाएका छन् ।
वि.सं.२०७८ मंसिर १३ सोमवार १५:४९ मा प्रकाशित
