काठमाडौं । ग्लोबल आइएमई क्यापिटल लिमिटेडले पुस १३ गते वार्षिक साधारणसभा गर्ने भएको छ । कम्पनीको मंसिर १३ गते सोमबार बसेको बैठकले उक्त दिन सभा गर्ने निर्णय गरेको हो ।
सभाले संचालक समितिले प्रस्ताव गरे अनुसार सेयरधनीहरुलाई ७० प्रतिशत बोनस सेयर र कर सहित ३० प्रतिशत नगद लाभांश वितरणको प्रस्ताव पारित गर्नेछ ।
सभाले संचालक समितिको तर्फबाट अध्यक्षले प्रस्तुत गर्ने वार्षिक प्रतिवेदन पारित, लेखापरीक्षकको प्रतिवेदन सहित आव २०७७/७८ को वित्तीय अवस्थाको विवरण, नाफा/नोक्सान विवरण, अन्य विस्तृत आम्दानीको विवरण र नगद प्रवाह विवरण लगायत वित्तीय विवरण पारित गर्नेछ ।
यसका साथै चालु आवको बाह्य लोखपरीक्षक नियुक्ति गर्ने र निजको पारिश्रमिक निर्धारण गर्ने लगायतका एजेण्डा पारित गर्नेछ।
वि.सं.२०७८ मंसिर १५ बुधवार १२:४४ मा प्रकाशित