काठमाडौं । कुमारी बैंकले संस्थापक सेयर बिक्री गर्ने भएको छ । बैंकले संस्थापक सेयरधनी भीम कृष्ण उदासको नाममा रहेको ३ लाख कित्ता संस्थापक सेयर बिक्री गर्ने भएको हो ।
उक्त सेयर खरीद गर्न इच्छुक यस कम्पनीका हाल कायम रहेका संस्थापकहरुले आवेदन दिन सक्नेछन् ।
आवेदन आजैका मितिदेखि (मंसिर २० गते) ३५ दिनभित्र कम्पनीको प्रधान कार्यालय टंगाल, काठमाडौं वा बैंकको सेयर रजिष्ट्रार, नक्साल, काठमाडौंमा आइपुग्ने गरी निवेदन पेश गर्नुपर्नेछ ।
सेयरको प्रतिकित्ता मूल्य भने बिक्रेताले तोके बमोजिम हुने बैंकले जारी गरेको सूचनामा उल्लेख छ ।
तोकिएको म्याद भित्र उक्त सेयर खरीद गर्न निवेदन नआएमा अन्य व्याक्ति संघ संस्थालाई बिक्री प्रक्रिया अगाडि बढाईने बताइएको छ ।
वि.सं.२०७८ मंसिर २३ बिहीवार १०:१५ मा प्रकाशित
