काठमाडौं । नेपाल धितोपत्र बोर्ड (सेबोन) मा विभिन्न ४ कम्पनीहरुले हकप्रद सेयर निष्काशनका लागि पाइपलाइनमा रहेका छन् ।
बोर्डमा हकप्रद सेयर निष्काशनको अनुमति माग्दै विभिन्न ४ कम्पनीहरुले निवेदन दिएका छन् । जसमध्ये १ हाइड्रोपावर कम्पनी, २ बिमा, १ फाइनान्स कम्पनी रहेका छन् ।
ती कम्पनीहरुले २ अर्ब ७ करोड ६५ लाख ९१ हजार ६ सय रुपैयाँ बराबरको २ करोड ७ लाख ६५ हजार ९१६ कित्ता हकप्रद सेयर निष्काशनका लागि बोर्डमा निवेदन पेश गरेका छन् ।
अपि पावर, नेपाल फाइनान्स, शिखर इन्स्योरेन्स, आइएमई जनरल इन्स्योरेन्स कम्पनी हकप्रद सेयर जारी गर्न बोर्डको अनुमतिको पर्खाईमा रहेका छन् ।
अपि पावर :
अपि पावर कम्पनीले १ अर्ब ८ करोड ६० लाख रुपैयाँ बराबरको हकप्रद सेयर निष्काशन गर्ने भएको छ ।
कम्पनीले १ करोड ८ लाख ६० हजार कित्ता हकप्रद सेयर निष्काशनका लागि नियामक निकायम नेपाल धितोपत्र बोर्डमा निवेदन दिएको छ ।
कम्पनीले १ः०.३९३६ को अनुपातमा हकप्रद सेयर निष्काशन गर्न गत असोज २५ गते बोर्डमा निवेदन दिएको हो । कम्पनीको हकप्रद सेयर निष्काशन तथा बिक्री प्रबन्धकमा मुक्तिनाथ क्यापिटल लिमिटेड रहेको छ ।
नेपाल फाइनान्स :
नेपाल फाइनान्सले ३४ करोड ५४ लाख ४७ हजार ४२७ रुपैयाँ बराबरको हकप्रद सेयर निष्काशन गर्न बोर्डमा निवेदन पेश गरेको छ ।
कम्पनीले ३४ लाख ५४ हजार ४७४ कित्ता सेयर जारी गर्न बोर्डमा निवेदन दिएको हो । कम्पनीले १ः०.७ को अनुपातमा हकप्रद सेयर निष्काशनका लागि कात्तिक १ गते बोर्डमा निवेदन दिएको थियो ।
कम्पनीको हकप्रद सेयर निष्काशन तथा बिक्री प्रबन्धकमा प्रभु क्यापिटल लिमिटेड रहेको छ ।
शिखर इन्स्योरेन्स कम्पनी :
५२ करोड ७५ लाख ५७ हजार २ सय रुपैयाँ बराबरको हकप्रद सेयर निष्काशनका लागि शिखर इन्स्योरेन्स कम्पनीले बोर्डमा निवेदन दिएको छ ।
कम्पनीले ५२ लाख ७५ हजार ५७२ कित्ता हकप्रद सेयर निष्काशनका लागि गत साउन २८ गते बोर्ड निवेदन दिएको हो ।
कम्पनीले १०ः३ को अनुपातमा सेयर निष्काशन गर्न लागेको हो । कम्पनीको बिक्री प्रबन्धकमा एनआईबीएल एस क्यापिटल लिमिटेड रहेको छ ।
आइएमई जनरल इन्स्योरेन्स :
आइएमई जनरल इन्स्योरेन्स कम्पनीले हकप्रद सेयर निष्काशनको अनुमति माग्दै बोर्डमा निवेदन दिएको छ ।
कम्पनीले ४६ करोड ३० लाख ३४ हजार ४ सय रुपैयाँ बराबरको हकप्रद सेयर निष्काशन गर्न बोर्डमा निवेदन दिएको छ ।
कम्पनीले १०ः४ को अनुपातमा ४६ लाख ३० हजार ३४४ कित्ता हकप्रद सेयर निष्काशन गर्न लागेको हो । कम्पनीले उक्त हकप्रद सेयर निष्काशनका लागि गत भदौ १७ गते बोर्डमा निवेदन दिएको हो ।
कम्पनीको हकप्रद सेयर निष्काशन तथा बिक्री प्रबन्धकमा ग्लोबल आइएमई क्यापिटल लिमिटेड रहेको छ ।
वि.सं.२०७८ पुस २ शुक्रवार १६:२४ मा प्रकाशित