काठमाडौं । पञ्चकन्या माई हाइड्रोपावर कम्पनीले तीन आर्थिक वर्षको वार्षिक साधारण सभाका लागि मिति तय गरेको छ ।
कम्पनीले चौँथो, पाँचौ तथा छैठोँ वार्षिक साधारण सभा आउँदो पुस २८ गते गर्ने भएको हो । कम्पनीको पुस ५ गते बसेको संचालक समितिको बैठकले उक्त सभा गर्ने निर्णय गरेको हो ।
कोभिड–१९ को जोखिम कायमै रहेकाले संक्रमण रोकथाम तथा नियन्त्रणका लागि कम्पनीले सभा भर्चुअल माध्यमबाट गर्न लागेको हो ।
सभाले संचालक समितिको तर्फबाट आर्थिक वर्ष २०७५/७६, २०७६/७७, २०७७/७८ को वार्षिक प्रतिवेदन प्रस्तुत, छलफल तथा स्वीकृत, लेखापरीक्षकको प्रतिवदेन सहित तीन आवको वित्तीय विववरण उपर छलफल गरि पारित गर्नेछ ।
लेखा परीक्षण समितिको सिफारिस अनुसार आव २०७८/७९ को लागिग लेखापरीक्षकको नियुक्ति तथा निजको पारिश्रमिक निर्धारण गर्नेछ ।
यस्तै, कम्पनीको संस्थापक समूहबाट प्रतिनिधित्व गर्ने ४ जना(महिलासमेत) संचालकको निर्वाचन वा मनोनयन गर्नेछ । सभा प्रयोजनका कम्पनीले पुस २० गते बुक क्लोज गर्ने भएको छ ।
वि.सं.२०७८ पुस ६ मंगलवार १२:४६ मा प्रकाशित
