काठमाडौँ । साताको दोस्रो कारोबार दिन आज सेयर बजार मापक नेप्से दोहोरो अंकले बढेर कारोबार बन्द भएको छ ।
यो दिन नेप्से परिसूचक ३२.०३ अंकले बढेर २६१६.९४ बिन्दूमा रोकिएको हो ।
यो सँगै आज कारोबारमा आएका २३० स्क्रिप्टको ८२ लाख ५ हजार ५२ कित्ता सेयर किनबेच हुँदा ४ अर्ब ५३ करोड ३० लाख १७ हजार रुपैयाँ बराबरको कारोबार भएको छ ।
यो दिन उत्पादन तथा प्रशोधन बाहेकका सबै समूहको उपसूचकमा वृद्धि भएको छ । यो समूहको उपसूचकमा २.२६ अंकको गिरावट आएको हो ।
वि.सं.२०७८ पुस १९ सोमवार १५:१८ मा प्रकाशित