काठमाडौं । टीभीएस नेपाली बजारमा लोकप्रिय र स्थापित मोटरसाइकल ब्राण्डहरु मध्ये एक हो ।टीभीएस बाइकको नयाँ मूल्य सार्वजनिक भएको छ ।
टीभीएस बाइकको नेपालको लागि आधिकारिक बिक्रेता जगदम्बा मोटर्सले अंग्रेजी नयाँ वर्षसंगै बाइकहरुको मूल्य सूची सार्वजनिक गरेको हो ।
टीभीएसका मोटरसाइकलहरु बलियो, राम्रो पिकअप र आकर्षक डिजाइन लगायतका विषेशताले पनि युवा तथा वृद्धहरुको पनि रोजाईमा परेको छ ।
नयाँ मूल्य सूची अनुसार टीभीएसले सबैभन्दा बढी अपाचे आरटीआर १६० आरडी रिफ्रेस र टीभीएस एक्सएल १०० मा मूल्य वृद्धि गरेको छ । यी बाइकहरुको मूल्य १० हजार रुपैयाँका दरले वृद्धि भएको हो । योसंगै अपाचे आरटीआर १६० फोरभी आरडी रिफ्रेसको ३ लाख १८ हजार ९ सय रुपैयाँ र टीभीएस एक्सएल १००को १ लाख ३८ हजार ९ सय रुपैयाँ पुगेको छ ।
यस्तै, अपाचे आरटीआर २०० फोरभी एफआई बीएस६ को ६ हजार रुपैयाँले बढेर ३ लाख ९६ हजार ९ सय रुपैयाँ, अपाचे आरटीआर २०० फोरभी एबीएसको५ हजार रुपैयाँले वृद्धि भई ३ लाख ६७ हजार ९ सय रुपैयाँ पुगेको छ ।
अन्य केही मोडलहरुमा १ देखि ४ हजार रुपैयाँ सम्मको दरमा मूल्य वृद्धि गरिएको छ । त्यसैगरी हालै नेपाली बजारमा भित्रिएको रेडर र अन्य केही मोडलमा पनि उही पुरानै मूल्य कायम भएको छ ।
अन्य कुनको नयाँ मूल्य कति ?
वि.सं.२०७८ पुस २२ बिहीवार १४:५२ मा प्रकाशित
