काठमाडौं । सेयर बजारमा करेक्सन भएको छ । साताको चौथो कारोबार दिन बजार ३०.५१ अंकले घटेको हो ।
यस साताको पहिलो कारोबार दिनदेखि नै लगातर बढीरहेको बजारमा आज गिरावट आएको छ । बुधवार बजार परिसुचक २८०३.६२ अंकको बिन्दुमा पुगेर बन्द भएको छ ।
उक्त दिन कारोबार रमक भने वृद्धि भएको छ । मंगलबार ७ अर्बको कारोबार भएकोमा आज भने ८ अर्ब ३ करोड ३२ लाख १२ हजार रुपैयाँ बराबरको सेयर कारोबार भएको छ ।
आज लगानी समूह २.८२ अंक, उत्पादक तथा प्रशोधन ६.२९ र व्यापार समूह २०.०६ अंकले वृद्धि भएको छ । यी बाहेका सबै समूह राताम्मे बनेका छन् ।
बुधवार सबैभन्दा बढी नेपाल बंगलदेश बैंकको सेयर कारोबार भएको छ । उक्त दिन बैंकको २८ करोड ६९ लाख ९९ हजार रुपैयाँ बराबरको सेयर खरिदबिक्री भएको हो ।
यस्तै, आज एचआईडीसीएलको २७ करोड ६१ लाख ९९ हजार, अपि पावरको २४ करोड ७० लाख १ हजार र अपर तामाकोशीको २२ करोड ७२ लाख ६ हजार रुपैयाँ बराबरको सेयर कारोबार भएको हो ।
वि.सं.२०७८ पुस २८ बुधवार १५:१७ मा प्रकाशित
