काठमाडौं । पुस महिनाको अन्तिम कारोबार दिन सुनचाँदीको मूल्य वृद्धि भएको छ । शुक्रबार नेपाली बजारमा छापावाला सुनको मूल्य प्रतितोला २ सय रुपैयाँले वृद्धि भएको हो ।
अघिल्लो दिन ९२ हजार ५ सय रुपैयाँमा कारोबार भएको सुन आज बढेर ९२ हजार ७ सय रुपैयाँ कायम भएको हो ।
नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य भने ९२ हजार २ सय रुपैयाँ कायम भएको छ । तेजावी सुन बिहीबार ९२ हजार रुपैयाँमा कारोबार भएको थियो ।
यस्तै, साताको अन्तिम कारोबार दिन अर्थात शुक्रबार चाँदीको मूल्य पनि प्रतितोला ५ रुपैयाँले वृद्धि भई १ हजार २६० रुपैयाँ पुगेको छ । महासंघका अनुसार अघिल्लो दिन १ हजार २५५ रुपैयाँमा खरिदबिक्री भएको थियो ।
वि.सं.२०७८ पुस ३० शुक्रवार ११:१६ मा प्रकाशित
