काठमाडौँ । मंगलबार (आज) सेयर बजारमा सामान्य करेक्सन देखिएको छ । यो दिन बजार मापक नेप्से १०.७८ अंकले घटेर २९३६.६६ बिन्दूमा कायम भएको छ ।
यद्यपी यो दिन पनि ६४ स्क्रिप्टको भने सेयर मूल्य वृद्धि भएको छ । कम्पनी मात्रै ४५ वटाको सेयर मूल्य बढेको हो भने सेयर मुल्य वृद्धि हुनेमा बाँकी ९ ऋणपत्र तथा म्युच्युअल फण्डहरु रहेका छन् ।
यो दिन सेयर मूल्य वृद्धिको अग्रपंतिमा दुई म्युच्युअल फण्ड सहित ५ कम्पनीहरु रहेका छन् ।
सामालिङ्गी पावरको सेयर मूल्यमा ९.४९ प्रतिशतको वृद्धि भएको हो । योसँगै कम्पनीको सेयर मूल्य ६४९रुपैयाँ ३० पैसा कायम भएको छ । त्यसैगरी दोस्रोमा मध्यभोटेकोशि ८.११ प्रतिशतले बढेको छ ।
बुद्धभुमि नेपाल हाईड्रो ६.०८, प्रभु बैंक ५.५६, बरुण हाईड्रो ४.६६ र तेह्रथुप पावर कम्पनीको ४.०२ प्रतिशतले बढेको हो ।
त्यसैगरी म्युचुअल फण्ड तर्फ ग्लोबल आईएमई समुन्नती फण्ड १ र लक्ष्मी उन्नति कोषको ४.१७ प्रतिशतले बढेको हो ।
वि.सं.२०७८ माघ ४ मंगलवार १५:४२ मा प्रकाशित
