भक्तपुर । महानगरीय प्रहरी परिसर भक्तपुरले भक्तपुरका विभिन्न स्थानबाट नियन्त्रणमा लिएको अवैध एक हजार लिटर घरेलु मदिरा नष्ट गरेको छ ।
भक्तपुरका विभिन्न स्थानबाट बिक्रीका लागि लैजाँदै गरिएको अवस्थामा मदिरा नियन्त्रणमा लिई प्रहरी परिसरमै नष्ट गरिएको हो ।
विभिन्न सवारी साधनमा राखेर भक्तपुरबाट काठमाडौतर्फ लैजाँदै गरेको अवस्थामा अबैध घरेलु मदिरा नियन्त्रणमा लिइ नष्ट गरिएको महानगरीय प्रहरी परिसर भक्तपुरका प्रहरी नायब उपरीक्षक शेखर खनालले जानकारी दिएका छन् ।
भक्तपुरलाई अवैध मदिरा मुक्त जिल्ला बनाउने अभियानका साथ यस्ता अबैध मदिरा नियन्त्रणमा लागेको छ ।
प्रकाशित मिति ः २०७३ असार २४
वि.सं.२०७३ असार २४ शुक्रवार १९:०३ मा प्रकाशित