काठमाडौं । केन्द्रीय तथ्यांक विभागले विभिन्न पदका लागि ठुलो संख्यामा कर्मचारी माग गरेको छ ।
एक सूचना निकाल्दै विभागले करारमा नियुक्ति गर्ने गरि ६ हजार ३०३ जना कर्मचारी माग गरेको जनाएको हो ।
विभागले कृषि गणना २०७८ का लागि तथ्यांक संकलन गर्नुपर्ने भएकाले सुपरिवेक्षक र गणक पदमा कर्मचारी नियूक्त गर्न लागेको हो ।
सुपरिवेक्षकका लागि मान्यता प्राप्त संस्थाबाट स्नातक तह तथा गणकको लागि प्रविणता पत्रतह वा सो सरह उत्तिर्ण गरेको हुनुपर्ने छ ।
विभागले सुपरिवेक्षकका लागि मासिक ३० हजार २०० र गणकको लागि २८ हजार ६१० रुपैयाँ पारिश्रमिक तोकेको छ छ । करार अवधि भने दुई महिनाको हुने सूचनामा उल्लेख छ ।
ईच्छुक उमेद्वारले २८ दिनभित्र अर्थात् आगामी चैत्र ७ गतेभित्र विभागको अनलाईन जनशक्ति भर्ना प्रणालीमा आवेदन दिनुपर्ने छ ।
वि.सं.२०७८ फागुन ११ बुधवार १८:०४ मा प्रकाशित