काठमाडौं । नेपाल स्टक एक्सचेञ्ज (नेप्से)मा गरिमा विकास बैंकको ऋणपत्र सूचीकृत भएको छ । बैंकले ‘गरिमा डिवेन्चर, २०८५’ नेप्सेमा सूचीकृत गराएको हो ।
बैंकले ७ वर्ष अवधिको “८.७५ प्रतिशत गरिमा डिबेञ्चर, २०८५“ को नाममा प्रतिकित्ता १००० रूपैयाँ अंकित दरमा १ अर्ब रूपैयाँ बराबरको १० लाख कित्ता ऋणपत्र सूचीकृत गराएको हो ।
बैंकले निष्काशन गरेको कुल १० लाख कित्ता ऋणपत्रमध्ये सर्वसाधारणका लागि ४ लाख कित्ता र व्यक्तिगत रुपमा विभिन्न संघ/संस्थालाई ६ लाख कित्ता बिक्री गरेको थियो ।
सर्वसाधारणको लागि छुट्याईएकोमध्ये ५ प्रतिशत अर्थात् २० हजार कित्ता सामुहिक लगानी कोषहरुको लागि छुट्याईएको थियो ।
उक्त ऋणपत्र अब आउँदो आइतबार अर्थात फागुन २२ गतेदेखि दोस्रो बजारमा कारोबार सुरु हुनेछ । कम्पनीको प्रधान कार्यालय काठमाडौं महानगरपालिका–२, लाजिम्पाटमा रहेको छ ।
वि.सं.२०७८ फागुन २० शुक्रवार १४:३० मा प्रकाशित