काठमाडौं । आज अर्थात चैत १० गते बिहीवार दुई कम्पनीको लाभांश सुरक्षित गर्ने अन्तिम दिन रहेको छ ।
बिहीवार जीवन विकास लघुवित्त वित्तीय संस्था र नेपाल दूरसञ्चार कम्पनीको लाभांश सुरक्षित गर्ने अन्तिम मौका हो ।
यी दुवै कम्पनीहरुले वार्षिक साधारण सभा तथा लाभांश वितरण प्रयोजनका लागि चैत १२ गतेदेखि बुक क्लोज गर्ने भएको छ । जसका कारण बिहीवारसम्म कायम सेयरधनीहरुले मात्र सभामा भाग लिन र लाभांश पाउन सक्नेछन् ।
जीवन विकास लघुवित्तले साधारण सभा र लाभांश वितरण प्रयोजनको लागि चैत १२ गते देखि २५ गतेसम्म बुक क्लोज गर्ने भएको छ । कम्पनीको साधारण सभामा भाग लिन र लाभांश पाउनका लागि बिहीवारसम्म सेयरधनी बनिसक्नुपर्नेछ ।
कम्पनीले गत आर्थिक वर्ष २०७७/७८ मुनाफबाट सेयरधनीहरुलाई ७० प्रतिशत बोनस सेयर र ३ दशमलव ६८४२ प्रतिशत नगद लाभांश (करसमेत) वितरण गर्ने प्रस्ताव गरेको छ ।
उक्त प्रस्ताव पारित गर्न कम्पनीले आउँदो चैत २५ गते साधारण सभा बोलाएको छ ।
यस्तै, नेपाल दूरसञ्चार कम्पनीले पनि चैत ११ गतेदेखि २३ गतेसम्म बुक क्लोज गर्ने भएको छ ।
जसका आधारमा बिहीबारसम्म कायम सेयरधनीहरुले मात्र कम्पनीको साधारण सभामा भाग लिन र लाभांश पाउन सक्नेछन् ।
कम्पनीले गत आवको मुनाफाबाट सेयरधनीलाई २० प्रतिशत बोनस सेयर र करसहित २० प्रतिशत नगद लाभांश वितरण गर्ने प्रस्ताव गरेको छ । उक्त प्रस्ताव पारित गर्नका लागि कम्पनीले चैत २४ गते साधारण सभा डाकेको छ ।
वि.सं.२०७८ चैत १० बिहीवार १०:३४ मा प्रकाशित
