काठमाण्डौं । सबैभन्दा ठूलो बैंक बनाउने लक्ष्य सहित नेपाल क्रेडिट एण्ड कमर्स (एनसीसी) बैंकले कुमारी बैंक र अन्य चार बिकास बैंकलाई मर्ज गर्ने अन्तिम तयारी भएकोमा कुमारी बैंकले साधारणसभाबाट मर्जरको अन्तिम प्रस्ताव अस्वीकृत गरेको छ ।
आज शुक्रबार राजधानीमा भएको कुमारीको बिशेष साधारणसभाले एनसीसीसँग मर्जमा नजाने प्रस्तावलाई गोप्य मतदान गरेको थियो । ब्यवस्थापनले राखेको मर्जरमा जाने प्रस्तावलाई अस्वीकृत गर्ने पक्षमा मतदान भएको कुमारी बैंकले जानकारी दिएकोछ ।
एनसीसीसँग मर्जरका लागि अरु बिकास बैंकहरुले मर्जरको अन्तिम प्रस्ताव र सेयर स्वाप रेसियो पारित गरिसकेका छन् । एनसीसी को बुधवार सम्पन्न विशेष साधारणसभाले कुमारी बैंक, इन्फ्रास्ट्रक्चर डेभलपमेण्ट बैंक, इण्टरनेशनल डेभलपमेण्ट बैंक, एपेक्स डेभलपमेण्ट बैंक र सुप्रिम डेभलपमेण्ट बैंक लिमीटेडबीच गाभ्ने र गाभिने सम्बन्धी प्रस्ताव पारित गरेको थियो ।
३१ असार २०७३, ३।४०
वि.सं.२०७३ असार ३१ शुक्रवार १६:३० मा प्रकाशित