काठमाडौं । विन नेपाल लघुवित्त वित्तीय संस्थाले चालु आर्थिक वर्ष २०७८/७९ को तेस्रो त्रैमासिक वित्तीय विवरण सार्वजनिक गरेको छ ।
उक्त अवधिमा कम्पनीले ५३ लाख ९४ हजार रुपैयाँ नाफा कमाएको छ । जुन गत वर्षको चैत मसान्तसम्मको तुलनामा २१.८१ प्रतिशतले कमी हो । गत वर्षको सोही अवधिमा कम्पनीले ६८ लाख ९९ हजार रुपैयाँ नाफा गरेको थियो ।
चालु आवको ९ महिनाको अवधिमा कम्पनीको खुद ब्याज आम्दानी पनि ७.९२ प्रतिशतले घटेर ३ करोड २२ लाख ४२ हजार रुपैयाँ कायम भएको छ । गत वर्षको तेस्रो त्रैमासमा भने कम्पनीको यो आम्दानी ३ करोड ५० लाख १८ हजार रुपैयाँ रहेको छ ।
उक्त अवधिमा कम्पनीको संचालन मुनाफा भने ३ करोड १ लाख ३५ हजार रुपैयाँ ऋणात्मक देखिएको छ । कम्पनीको चुक्ता पुँजी ७ करोड २४ लाख ४६ हजार रुपैयाँ रहेको छ । कम्पनीले जगेडा तथा कोषमा भने २ करोड ५० लाख ६५ हजार रुपैयाँ राखेको छ ।
उक्त अवधिमा कम्पनीको निष्क्रिय कर्जा भने झिनो घटाएको छ । गत वर्षको चैत मसान्तसम्ममा ४.९९ प्रतिशत रहेको निष्क्रिय कर्जा यस वर्षको सोही अवधिमा भने ४.८६ प्रतिशतमा झरेको छ ।
कम्पनी प्रतिसेयर आम्दानी (वार्षिकिकरण) १४ रुपैयाँ ८९ पैसा र प्रतिसेयर नेटवर्थ १३९ रुपैयाँ ६४ पैसा रहेको छ ।
वि.सं.२०७९ वैशाख २० मंगलवार ११:५१ मा प्रकाशित
