काठमाडौं । नारायणी डेभलपमेन्ट बैंकले विशेष साधारण सभा बोलाएको छ । कम्पनीले आउँदो असार ८ गते विशेष साधारण सभा गर्ने भएको हो ।
कम्पनीको जेठ २३ गतेको सञ्चालक समितिको बैठकले शत प्रतिशत हकप्रद सेयर जारी गर्न विशेष सभा आयोजना गरेको हो ।
सभा होटल पौवा, टाडी, चितवनमा बिहान ११ बजे हुनेछ । कम्पनीले हाल कायम चुक्ता पुँजी २६ करोड २४ लाख ६७ हजारको आधारमा शत प्रतिशत हकप्रद सेयर जारी गर्नेछ । हकप्रद पश्चात् कम्पनीको चुक्ता पुँजी ५२ करोड ४९ लाख ३५ हजार २०० पुग्नेछ ।
कम्पनीले सधारण सभा प्रयोजनका लागि जेठ ३० गते (एक दिन) बुक क्लोज गर्ने भएको छ ।
वि.सं.२०७९ जेठ २४ मंगलवार ११:२४ मा प्रकाशित
