काठमाण्डौं । अन्नपूर्ण बेस क्याम्प घुम्न गएकी रोमानियाकी अदिना पोपेस्कु मोनिका मृत अवस्थामा भेटिएको प्रहरीले जनाएको छ। २६ वर्षकी उनी जुलाई ११ मा नेपाल आएकी थिईन ।
जुलाई १८ मा दोहा हुँदै आफ्नो देश फर्किनुपर्नेमा उनले फ्लाइट बोर्ड नगरेपछि अदिना हराएको भन्दै उनका आफन्तले प्रहरीकहाँ खबर खरेका थिए। खबर पाए लगत्तै टुरिजम एशोसियन नेपाल (टान), टुरिजम प्रहरी लगायतले उनको खोजी जारी राखेको थियो । १३ जुलाईमा उनी पोखराको पर्यटन बोर्डबाट व्यक्तिगत टिम्स लिएर अन्नपूर्ण पदमार्गमा टे«किङका लागि निस्किएकी थिइन् । जुलाई १४ मा धम्पुसको चेक पोइन्टसम्म उनी सम्पर्कमा आएकी उनी त्यसपछि सम्पर्क विहिन बनेकी थिइन् । हिजो पर्यटक प्रहरी काठमाडौंले खोलाले बगाएको अवस्थामा उनको शव फेला परेको खबर आएपछि प्रहरी परिचालन गरिएको प्रहरी निरीक्षक तुल्सा खतिवडाले बताईन ।
यो घटना दुःखद भएको बताउँदै टानका टिम्स विभाग प्रमुख तारानाथ लामिछाने दिनेशले कुनै पनि विदेशी पर्यटकले ट्रेकिङ गाईड वा पोटर लिएर घुम्न जानु पर्ने र एक्लै जाँदा यस्तो दुःखद घटना हुन सक्ने बताएका छन् । यसअघि पनि व्यक्तिगत रुपमा टिम्स किनेर जाने पर्यटकहरुका लुटिनेदेखि विविध अपराध हुने लगायतका गुनासाहरु आएपछि ‘नो ट्रेक विदाउट ट्रेकिङ गाईड/पोटर’ अभियान संचालनमा ल्याइरहेकोछ ।
१० साउन २०७३, ११।००
वि.सं.२०७३ साउन १० सोमवार १२:२७ मा प्रकाशित