काठमाडौं । काठमाडौं उपत्यका अपराध अनुसन्धान ब्यूरो (सिआईबी)ले बैंकिङ्ग कसूर मुद्दामा फरार रहेका व्यक्तिहरुलाई पक्राउ गरेको छ ।
प्रहरीले महोत्तरी जिल्ला , लोहरपटी न.पा. वडा नं. ७ घर भई हाल जिल्ला ललितपुर, महालक्ष्मी न.पा. वडा नं. १, इमाडोल वस्ने गौरभ शर्मा र धादिङ जिल्ला, नेत्रवती डबजोङ् गा.पा. वडा नं. ५ घर भई हाल काठमाडौं जिल्ला , तारकेश्वर न.पा. वडा नं. १०, मनमैजू वस्ने प्रेम बहादुर गुरुङ्गलाई पक्राउ गरेको हो ।
उच्च अदालत पाटनले शर्मालाई २०७९ बैशाख ५ गते बैंकिङ् कसूर तथा सजाय ऐन २०६४ बमोजिम ५५ लाख जरिवाना र ११ दिन कैद सुनाएको थियो भने गुरुङलाई २०७९ बैशाख ४ गते ९ लाख ९० हजार जरिवाना र २ दिन कैद सजाय सुनाएको थियो । त्यस यता उनीहरु फरार रहेका थिए।
निजलाई आज असार १७ गते काठमाडौं वालुवाटारबाट, पक्राउ गरि थप अनुसन्धानका लागि जिल्ला अदालत ललितपुरमा उपस्थित गराईएको हो ।
वि.सं.२०७९ असार १७ शुक्रवार १५:२८ मा प्रकाशित
