काठमाडौं । काठमाडौं उपत्यका अपराध अनुसन्धान ब्यूरो (सिआईबी)ले जबरजस्ती करणी मुद्दाका फरार रहेका व्यक्तिलाई पक्राउ गरेको छ ।
प्रहरीले चितवन जिल्ला , साविक पिठुवा गा.बि.स. वडा नं. ७, हाल रत्ननगर न.पा. वडा नं. १५, पिठुवा, माधवपुर बस्ने भरत ढकाललाई पक्राउ गरेको हो ।
ढकालले मादक पदार्थ सेवन गरी घरमा कोही नभएको मौका छोपि घरभित्र पसी महिलालाई जबरजस्ती करणी गरेको पीडित महिलाले जाहेरी दिएकी थिइन् ।
उच्च अदालत कास्कीले निजलाई जबरजस्ती करणी गरेको मुद्दामा ५० हजार जरिवाना र ५ वर्ष कैद सजाय सुनाएको थियो ।
निजलाई असार २४ गते भरतपुर चितवनबाट, पक्राउ गरि आज असार २५ गते फैसला कार्यान्वयनको लागि सम्मानित चितवन जिल्ला अदालतमा पेश गरेको प्रहरीले जनाएको छ ।
वि.सं.२०७९ असार २४ शुक्रवार १६:४९ मा प्रकाशित
