काठमाडौं । नेपाल स्टक एक्सचेञ्ज (नेप्से) ले सम्पूर्ण सूचीकृत संगठित संस्थाहरुलाई ‘नट्स’ को लग इन आइडी लिनको अनुरोध गरेको छ ।
आइतबार एक सूचना जारी गर्दै नेप्सेले सूचीकृत संगठित संस्थाहरुलाई ‘नट्स’ को लग इन आइडी लिन अनुरोध गरेको छ ।
नेप्सेले आफ्नो पुरानो वेबसाइट मर्मत गर्नुपर्ने भएको र नयाँ वेबसाइट संचालनमा आइसकेको हुँदा कम्पनीको डकुमेन्टहरु अपलोड गर्नका लागि आईडी लिनका लागि सूचीकृत कम्पनीलाई नेप्सेको कार्यालयमा सम्पर्क गर्न भनेको छ ।
नेप्सेको ‘नट्स’ को लग इन आइडी लिनको लागि कम्पनीको इन्टरनेटको पब्लिक आईपी एड्रेस र आधिकारीक इमेल उल्लेख गरी कम्पनीको पत्रसहित नेप्सेको सूचीकरण शाखामा १० दिनभित्र सम्पर्क गर्न निर्देशन दिएको छ ।
विस्तृतका लागि हेर्नुहोस् सूचना
वि.सं.२०७९ साउन ८ आइतवार १५:४७ मा प्रकाशित
