काठमाण्डौं । सिनर्जी पावर डेभ्लपमेन्ट कम्पनीले बिद्युत आयोजना प्रभावित दोलखाका ६ गाउँ बिकास समितिका जनताका लागि सात लाख कित्ता साधारण सेयर आज साउन १६ गते आईतबारदेखि निश्काशन गरेको छ ।
कम्पनीले साउन १६ गतेदेखि साउन ३० गतेसम्मको अवधिमा सो सेयर सम्बन्धित गाउँ बिकास समितिका बासिन्दाहरुलाई बिक्री गर्नेछ । ७० करोड चुक्ता पूँजी मध्ये कम्पनीले ४० प्रतिशत सर्वसाधारणका लागि छुट्याएकोमा त्यसको १० प्रतिशत आयोजना प्रभावित दोलखाजिल्लाका सम्बन्धित गाउँ बिकास समितिका जनतामा बिक्री थालेको हो ।
आयोजना प्रभावित गौरीशंकर, खारे, लामाबगर, वराड, बुलुड र लादुक गाउँ बिकास समितिका जनताले प्रति ब्यक्ति ५० कित्ता देखि ५ हजार कित्तासम्म प्रति कित्ता एक सय रुपैयाँ बुझाएर सेयर माग गर्नसक्ने भएका छन् । यसरी निश्काशन गरिएको सेयर तीन बर्षसम्म बिक्री गर्न नपाईने ब्यवस्था छ ।
सेयरको आबेदन पत्र प्राप्ति तथा आबेदन बुझाउन सिप्रिड। खोला आयोजनाको कार्यालय, जगत र अरनिको डेभ्लपमेन्ट बैंकको कार्यालय सिंगटी तोकिएको छ । धितोपत्र निश्काशन तथा बिक्री प्रबन्धकमा सिभिल क्यापिटल रहेको छ ।
१६ साउन २०७३, ११।००
वि.सं.२०७३ साउन १६ आइतवार ११:२९ मा प्रकाशित
