काठमाडौ । विश्व पर्यटन दिवसको अवसर पारेर नेपाल एसोसियसन अफ टुर एण्ड ट्राभल एजेन्ट्स (नाट्टा)ले शनिबार उपत्यकामा साईकल र्याली सम्पन्न गरेको छ । आजै कम्मर कसौं हाम्रा शहर सुन्दर शहर बनाउन भन्ने लगायत नारासहित शहर सुन्दर राखौं भन्ने उदेश्यका साथ नाट्टाले र्याली आयोजना नाट्टाका कार्यबाहक अध्यक्ष पाण्डेले जानकारी दिए ।
नाट्टाको केन्द्रिय कार्यालय नक्साल दरबारमार्ग, सिंहदरबार, थापाथली हुँदै साईकल र्याली पाटन दरबार स्वायर पुगेर सरसफाई कार्यक्रम गर्नुका साथै र्याली फर्किएर त्रिपुरेश्वर, वसन्तपुर दरबार स्वायर, ठमेल हुँदै समापन गरियो । र्यालीमा १ सय जनाभन्दा बढिको सहभागीता रहेको थियो । नाट्टा र कतार एयरवेजको संयुक्त व्यवस्थापनमा उक्त सम्पन्न भएको हो ।
साईकल र्यालीमा नेपाल पर्यटन बोर्डका प्रमुख कार्यकारी अधिकृत दीपकराज जोशी, नाट्टाका कार्यबाहक अध्यक्ष सिएन् पाण्डे, नाट्टाका पूर्व अध्यक्ष अर्जुन शर्मा लगायत विभिन्न संघसंस्था र पर्यटनसँग सम्बन्धित विभिन्न व्यक्तिहरुको सहभागीता रहेको थियो ।
दिवसकै अवसरमा आईतबार नाट्टाको केन्द्रिय कार्यालयमा बिहान १० बजे देखि दिउँसो २ बजेसम्म रक्तदान कार्यक्रमको आयोजना गरिंदैछ ।
प्रकाशित मितिः २०७३ असोज ८ गते
वि.सं.२०७३ असोज ८ शनिवार १७:०६ मा प्रकाशित
