काठमाडौं । साताको तेस्रो कारोबार दिन सेयर बजारमा दोहोरो अंकको गिरावट आएको छ । उक्त दिन बजार ३१.८० अंकले घटेर २०४५ को विन्दुमा कायम हुन पुगेको हो ।
मंगलबार सेयर बजारमा २ अर्ब १५ करोड ७३ लाख १२ हजार रुपैंया कारोबार भएको छ ।आज नेप्सेमा कारोबार भएको २७८ कम्पनीको ५६ लाख ३ हजार १७९ कित्ता सेयर किनबेच भएको छ । आज नेप्सेमा रहेको १२ वटा उपसूचकमा राताम्मै भएको छ ।
सेयर बजारमा गिरावट आउँदा हिमालयन डिस्टीलरीले सर्वाधिक गुमाएको छ । कम्पनीको सेयर मूल्य ७.६९ प्रतिशतले घटेको हो । त्यसैगरी, थ्री स्टार हाइड्रोपावरको ६.९४ प्रतिशत, मोलुङ हाइड्रोपावरको ६.२५ प्रतिशत, इन्फिनिटी लघुवित्तको ६ प्रतिशत, बुद्धभुमी नेपाल हाइड्रोपावरको ५.९९ प्रतिशतले सेयर मूल्य घटेको छ ।
वि.सं.२०८० साउन ३० मंगलवार १५:२० मा प्रकाशित
