काठमाडौं । सोल्टी होटेलले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ।
प्रकाशित विवरण अनुसार समीक्षा अवधिसम्म होटेलले ५४ करोड ५१ लाख रुपैयाँ खुद नाफा आर्जन गरेको छ। जुन अघिल्लो वर्षको यही अवधिसम्मको तुलनामा ८३.४० प्रतिशतले बढी हो। अघिल्लो वर्ष यही अवधिसम्म होटेलले २९ करोड ७२ लाख रुपैयाँ नाफा आर्जन गरेको थियो।
समीक्षा अवधिसम्म सोल्टीले होटेल व्यवसायबाट कुल २ अर्ब २४ करोड रुपैयाँ आम्दानी गरेको छ। अघिल्लो वर्ष यही अवधिसम्म होटेलले १ अर्ब ३६ करोड रुपैयाँ आम्दानी गरेको थियो । समीक्षा अवधिमा होटेलको आम्दानी पनि ६४.२७ प्रतिशतले बढेको छ।
यस अवधिसम्ममा होटेलले ६८ करोड ४० लाख रुपैयाँ सञ्चालन मुनाफा गरेको छ। अघिल्लो वर्ष यस्तो मुनाफा ३३ करोड ३७ लाख रुपैयाँ थियो। सञ्चालन मुनाफा पनि १०४.९७ प्रतिशतले बढेको छ।
समीक्षा अवधिमा सोल्टी होटेलको प्रतिसेयर आम्दानी (ईपीएस) बढेर ६.१६ रुपैयाँ कायम भएको छ। अघिल्लो वर्ष ईपीएस ४.२० रुपैयाँ थियो। होटेलको प्रतिसेयर नेटवर्थ २३.६८ रुपैयाँ रहेको छ।
चुक्तापुँजी ८८ करोड ४७ लाख रुपैयाँ रहेको सोल्टी होटेलको रिजर्भको आकार ३६.४७ प्रतिशतले बढेर १ अर्ब २१ करोड रुपैयाँ पुगेको छ।
वि.सं.२०८० साउन ३२ बिहीवार ११:१६ मा प्रकाशित
