काठमाडौं । राष्ट्रिय बीमा कम्पनीले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ। चौंथो त्रैमाससम्ममा कम्पनीले ७७ करोड २५ लाख रुपैयाँ खुद नाफा कमाएको छ । यो अघिल्लो आर्थिक वर्षको यहि अवधिको तुलानामा ६३.१६ प्रतिशतले बढी हो ।
गत आर्थिक वर्षको यहि अवधिमा कम्पनीले ४७ करोड ३४ लाख रुपैयाँ खुद नाफा आर्जन गरेको थियो ।
समिक्षा अवधिसम्ममा कम्पनीको खुद बीमाशुल्क पनि ७.७४ प्रतिशतले बढेर ३७ करोड २१ लाख रुपैयाँ पुगेको छ । अघिल्लो आर्थिक वर्षको यहि अवधिमा कम्पनीले ३४ करोड ५३ लाख रुपैयाँ खुद बीमाशुल्क आर्जन गरेको थियो ।
यस्तै कम्पनीले पुनर्बीमा कमिशन वापत २० करोड ५७ लाख रुपैयाँ र लगानी कर्जा तथा अन्य आयबाट १६ करोड ७२ लाख रुपैयाँ आम्दानी गरेको छ ।
समिक्षा अवधिसम्ममा कम्पनीको वार्षिक प्रतिशेयर आम्दानी २८९.७३ पैसा, प्रतिशेयर नेटवर्थ १५१४.४७ पैसा र मूल्य आम्दानी अनुपात ५५.५६ गुणा रहेको छ । कम्पनीको चुक्ता पूँजी २६ करोड ६६ लाख रुपैयाँ रहेको छ ।
वि.सं.२०८० साउन ३२ बिहीवार १२:४४ मा प्रकाशित
