काठमाडौं । आँखु खोला जलविद्युत कम्पनी लिमिटेडलाई १ः१.५ को अनुपातमा हकप्रद शेयर निष्काशन गर्न विद्युत नियमन आयोगले स्वीकृति दिएको छ । आयोगको भदौ ७ गतेको बैठकले स्वीकृति दिने निर्णय गरेको हो ।
आँखुखोला जलविद्युतले हकप्रद बिक्रीबाट प्राप्त हुने रकम रकम गणेश हिमाल हाइड्रोपावर प्रालिले प्रवर्द्धन गर्न लागेको २० मेगावाट क्षमताको आँखुखोला–२ जलविद्युत आयोजनामा स्वपुँजीका रुपमा लगानी गर्नेछ। यो जलविद्युत आयोजना लगानी र प्रतिफलका हिसाबले उपयुक्त देखिएकोले लगानी गर्ने निर्णय गरिएको कम्पनीले जनाएको छ।
त्यसैरी हकप्रदबाट प्राप्त हुने बाँकी रकम कम्पनीको बैंक तथा वित्तीय संस्थामा रहेको ऋण तथा अन्य दायित्व भुक्तानीका लागि उपयोग गरिने कम्पनीले जनाएको छ।
वि.सं.२०८० भदौ १० आइतवार ११:२६ मा प्रकाशित
