काठमाडौं । सानिमा माई हाइड्रोपावर लिमिटेडले लाभांश प्रस्ताव गरेको छ।
कम्पनी सञ्चालक समितिको असोज १५ गते सोमबार बसेको बैठकले आर्थिक वर्ष २०७९/८०का लागि चुक्तापुँजी ३ अर्ब ८ करोड ९२ लाख ५१ हजार रुपैयाँको कुल १०.५२६३ प्रतिशतले लाभांश वितरण गर्ने प्रस्ताव गरेको हो। जसमा १० प्रतिशत बोनस सेयर र कर प्रयोजनार्थ ०.५२६३ प्रतिशत नगद लाभांश रहेको छ।
प्रस्तावित लाभांश अनुमोदन गर्न कम्पनीले आफ्नो १२औँ वार्षिक साधारणसभा बोलाएको छ। सभा आउँदो कात्तिक २३ गते गर्ने निर्णय गरेको छ।
सभाले जुमखोला जलविद्युत आयोजना (५६मेवा)को प्रवर्द्धक कम्पनी सानिमा जुम हाइड्रोपावरको सेयरमा अधिकतम १ अर्ब ५० करोड रुपैयाँसम्म लगानी गर्ने, लगानीका लागि प्रवर्द्धक कम्पनी र सम्बन्धित पक्षहरुबीच सम्झौता गर्ने प्रस्ताव पारित गर्नेछ। जुमखोला जलविद्युत आयोजनाको बैंक र्जा प्रयोजनका लागि प्रचलित कानुनले तोकेको सीमाभित्र रही संस्थागत जमानत दिने सम्बन्ध दिने प्रस्ताव पनि सभाले अनुमोदन गर्नेछ।
लाभांश र वार्षिक साधारणसभा प्रयोजनार्थ कम्पनीलेअसोज २४ गते बुक क्लोज गर्ने भएको छ। यसर्थ असोज २३ गतेसम्म कायम सेयरधनीहरुमात्रै यो कम्पनीको लाभांश पाउन र सभामा भाग लिन सक्नेछन्।
वि.सं.२०८० असोज १६ मंगलवार १०:२० मा प्रकाशित
