काठमाडौं । ग्रामीण विकास लघुवित्तले मंसिर ३० गते वार्षिक साधारण सभा बोलाएको छ । सभा संस्थाको प्रधान कार्यालय, बुटवलमा बिहान ११ बजे सुरु हुनेछ ।
संस्थाले आर्थिक वर्ष २०७८/७९ को नाफाबाट सेयरधनीलाई कुनै पनि लाभांश प्रस्ताव गरेको छैन । साधारण सभा प्रयोजनका लागि लघुवित्तले मंसिर १४ गते बुक क्लोज गर्ने भएको छ । यसर्थ, मंसिर १३ गतेसम्म कायम सेयरधनीले मात्र सभामा भाग लिन पाउने छन् ।
साथै, अन्य उपयुक्त संस्थासँग मर्जर अथवा एक्विजिशन सम्बन्धी कार्य गर्न सञ्चालक समितिलाई अख्तियारी दिने प्रस्ताव पनि रहेको छ । लेखापरीक्षक नियुक्त गर्ने लगायतका प्रस्तावहरु पनि उक्त सभाले पारित गर्नेछ । आर्थिक वर्ष २०७८/७९ को वार्षिक प्रतिवेदन, नाफा नोक्सान हिसाब र नगद प्रवाह विवरण सहित वित्तीय विवरण उपर छलफल हुनेछ ।
वि.सं.२०८० मंसिर ६ बुधवार १०:५७ मा प्रकाशित
