काठमाडौं । चिकित्सा शिक्षा अध्ययन संस्थान (आइओएम)का डिन केपी सिंहले नियुक्त भएको २० दिनपछि राजीनामा दिएका छन् ।
२० दिन अघि डिनमा नियुक्त भएका सिंहले त्रिभुवन विश्वबिद्यालयका उपकुलपति तीर्थ खनियासमक्ष राजीनामा पत्र बुझाएका छन् । उनको नियुक्ती भएकै दिनदेखि शिक्षण अस्पतालका बरिष्ठ चिकित्सक प्रा. डा. गोविन्द केसी आमरण अनसन बस्दै आएका छन् । केसीले वरिष्ठताका आधारमा जगदीश अग्रवाललाई डिन नियुक्ति गर्नुपर्ने माग राखेका छन् ।
केसीले सिंहलाई बर्खास्त गर्नुपर्ने सहितका माग राखेका छन् । सिंहले डा. केसीको जीवन रक्षाका लागि भन्दै राजीनामा दिएको बताएका छन् ।
प्रकाशित मितिः २०७३ मंसिर १७
वि.सं.२०७३ मंसिर १८ शनिवार ००:३३ मा प्रकाशित
