काठमाण्डौं । त्रिभुवन अन्तरराष्ट्रिय विमानस्थलमा नाकाबन्दीपछि रोकिएको मल्टिस्टोरी पार्किङ निर्माणको काम पूनःसुचारु भएको छ ।
आगामी ६ महिनाभित्र सञ्चालन ल्याउने योजना अनुसार पार्किङ निर्माणको काम पुनः सुचारु गरिएको हो । विमानस्थलमा जनवरी देखि मल्टिस्टोरी पार्किङ शुरु गर्ने भनिए पनि नाकाबन्दीले काम रोकिएपछि काम पुरा हुन सकेको थिएन ।
अहिले पार्किङ निर्माण कार्य अन्तिम चरणमा पुगेको छ । विमानस्थलको व्यवस्थापन गर्ने तथा अन्तरराष्ट्रिय स्तरको सेवा दिने उद्देश्यले सुविधासम्पन्न कार पार्किङ बनाउन लागिएको हो ।
पार्किङको वरिपरी अन्तरराष्ट्रिय स्तरको रेष्टुरेन्ट, पसल , स्पा हाउस आदि पनि स्थापना गरिने बताइएको छ ।
माघ २१, २०७२/११.१५
वि.सं.२०७२ माघ २१ बिहीवार १२:२९ मा प्रकाशित
