काठमाण्डौं । नेपाल धितोपत्र बोर्डले डिम्याट खाता खोलेका लगानीकर्तालाई खातामै सेयर जम्मा गरिदिन कम्पनीहरुलाई निर्देशन दिएपछि सेयरको प्रमाणपत्र लिँदा अब घन्टौंसम्म लाइमा बस्नु नपर्ने भएकोछ ।
कागजी सेयरलाई कम्प्युटराइज्ड गर्ने प्रणालीलाई डिमेट्रियलाइजेसन अर्थात अभौतिकरण भनिन्छ। यसैलाई छोटकरीमा डिम्याट भन्ने गरिएको छ। बोर्डबाट स्वीकृतप्राप्त डिपी ९निक्षेप सदस्य०कोमा लगानीकर्ताले खाता खोली आफ्ना सेयरलाई कम्प्युटराइज्ड गर्नुपर्दछ।
बोर्डले सेयर फारम भर्नका लागि डिम्याट खाता अनिवार्य हुनुपर्ने प्रावधान पनि ल्याउने तयारी गरेको छ । यो प्रावधानपछि सम्पूर्ण लगानीकर्ताहरुले डिम्याट खाता खोली खाताको बीओ आईडी नम्वर सेयर फारममा भर्ने छन्। लगानीकर्ताले डिम्याट खाताको बीओ आईडी भरेपछि सोही नम्वरमा सेयर जम्मा हुने छ ।
यो व्यवस्थापछि कम्पनीको सेयर प्रमाणपत्र छपाईमा लाग्ने खर्च जोगिने छ भने लगानीकर्ताले बाँडफाँड भइसकेपछि सेयर चाँडो खातामा पाउने छन्।
माघ २२, २०७२/ १.३०
वि.सं.२०७२ माघ २२ शुक्रवार १४:१० मा प्रकाशित
