बुटवल । नेपाल राष्ट्र बैंकका गर्भनर डा चिरंजीबि नेपालले बैंक तथा वित्तीय संस्थाले जनताको पैसामा राम्रो ब्याज दिए मात्र उनीहरुको जीवनस्तर माथि उठ्ने भएकाले बैंक तथा वित्तीय संस्थाहरुले बचतमा समय सापेक्ष ब्याज दिनुपर्ने बताएका छन् ।
बुटवल जेसीजको कार्यक्रममा पुगेका डा. नेपालले पैसा कमाउन खाडीमा जाने होईन आफ्नै खेतमा पस्नुपर्ने सुझाव दिए । मुलुकका तननेरीहरु जवानीमा बिदेश पलायन हुनुपर्ने अवस्थाको अन्त्यका लागि आफुहरुको जाड रहेको उनको भनाई थियो ।
कृषिप्रधान देशमा अरबौँको फलफुल तथा तरकारी आयत गर्नुपर्ने बाध्यता हुनु लाजमर्दो अवस्था भएको औँल्यादै गभर्नर डा. नेपालले कृषिमा सक्षम हुनको लागि सम्पुर्ण युवाहरु विदेश जानको लागि लाइनमा नबसी कषि उद्यम, व्यवसाय गर्नको लागि राज्यले दिएको सहुलीयत लिन लाइन बस्न आग्रह गरे । घरआँगनमै पुगेका बैंकहरुको भरपूर उपयोग गरी मालिक बन्न अग्रसर हुनुपर्ने उनको भनाई थियो ।
प्रकाशित मितिः २०७३ माघ ८
वि.सं.२०७३ माघ ८ शनिवार १६:४१ मा प्रकाशित
