काठमाण्डौं । सरकारले फागुन १८ गते बुधबारदेखि २० वर्ष पूराना सवारी साधन चलाएमा जरीवानासहित जफत गर्ने भएको छ । यातायात व्यवस्था विभागले फागुन १७ गतेबाट बीस वर्षे पूराना सवारी साधन हटाउने नीति लिए अनुसार कारवाही गर्ने भएको हो।
विभागले बीस वर्ष पुराना गाडी चलाएमा गैरकानुनी हुने र जरीवानासहित गाडी जफत गर्नेछ । विभागले ट्राफिक प्रहरीको सहयोगमा बीस वर्षे गाडी नियन्त्रणमा लिने भएको हो । यो नीतिसँगै करिब २५ सय सवारी साधन उपत्यकाबाट हट्नेछन् । उपत्यका बाहिर भने अर्को वर्षको फागुन ३० गतेबाट २० वर्षे गाडी हट्नेछ।
१३ फागुन २०७३, ११।००
वि.सं.२०७३ फागुन १३ शुक्रवार १२:१४ मा प्रकाशित
