काठमाण्डौं । यातायात व्यवस्था विभागले ‘अन टेष्ट’ लेखेर सवारी चलाउनेलाई ५ हजार जरिवाना सहित सवारी दर्ता गरी नम्बर प्लेट नलिएसम्म सवारीसाधन रोक्का पनि गरिने भएको छ। यसका साथै, यस्तो अवस्थामा दुर्घटना भएमा कुनै क्षतिपूर्ति नपाइने पनि बताएकोछ ।
पछिल्लो समय उपत्यका लगायत अन्य क्षेत्रमा अनटेष्ट लेखेर सवारीसाधन प्रयोग गर्नेको संख्या बढेपछि विभागले अनुगमन सुरु गरेको हो । अनुगमन सँगै ४ वटा सवारी साधन कब्जामा लिइएको पनि विभागले जनाएकोछ ।
विभागका अनुसार ‘यातायात क्षेत्रसँग सम्बन्धी कुनै पनि ऐन नियम र कानुनमा अनटेष्ट लेखेर प्रयोग गर्न पाइने नियम कानुन छैन। त्यस्तै सवारीको भन्सार पास गरी अस्थायी नम्बर प्रयोग गरेको १५ दिन भित्र नै दर्ता गरी स्थायी नम्बर प्लेट लिनपर्ने नियम छ ।
३ फागुन, २०७२/३.००
वि.सं.२०७२ फागुन ३ सोमवार १५:०७ मा प्रकाशित
