काठमाडौ । साताको पहिलो दिन आईतबार सेयर बजार परिसूचक रातो रंगले पोतिएको छ । आइृतबार बजार परिसूचक २४ दशमलव ७० अंकले घटेर १५९०.४९ अंकमा कायम हुन पुगेको छ ।
आइतबार क वर्गका परिसूचकहरुको मापन गर्ने सेन्सेटिभ इन्डेक्स पनि ५.७ अंकले घटेको छ । आइृतबार होटल्स र उत्पादनबाहेक सबै समूहको परिसूचक ओरालो लागेको छ ।
यसदिन सेयर बजारको अधिकाँश हिस्सा ओगट्ने बाणिज्य बैंक समूहको परिसूचक नै २५.४३ अंकको गिरावट आएको छ । बीमा समूहको परिसूचक सबैभन्दा धेरै १३८ दशमलव ३३ अंकले गिरावट आएको छ । विकास बैंक, जलबिधुत्,फाईनान्स र अन्य समूहको परिसूचक क्रमश २०.१,४५.९३,७.५३ र १३.०२ अंकले घटेको छ ।
आईतबार १४६ कम्पनीको ७ हजार ४६ कारोबारबाट ११ लाख २३ हजार ५ सय ३२ कित्ता सेयरको ७१ करोड १३ लाख ७२ हजार रुपैंया बराबरको सेयर किनबेच भयो ।
दलहरुबीच भएको किचलो र निर्वाचनको अन्यौलताका कारण बजारमा नकारात्मक प्रभाव परेको विश्लेषण गरिएको छ ।
प्रकाशित मितिः २०७४ जेठ २८
वि.सं.२०७४ जेठ २८ आइतवार १६:२४ मा प्रकाशित
