काठमाडौ । नेपाल स्टक एक्सचेन्जले कन्काई विकास बैंकको २१४ प्रतिशत हकप्रदमा मूल्य समायोजन गरेको छ । हकप्रद समायोजनपछि सोमबार कन्काईको सेयर कारोबार २३१ रुपैयाँमा खुलेको छ । यसको औसत आधार मूल्य भने २९९ रुपैयाँँ रहेको छ ।
बैंकले १ः२.१४ अनुपातमा हकप्रद बिक्री गर्न धितोपत्र बोर्डबाट अनुमति पाइसकेको छ । हकप्रदको लागि बैंकले आज बुक क्लोज गरेको हो । यसआधारमा यो हकप्रदमा आइतबारसम्म कायम रहेका सेयरधनीले मात्र आवेदन दिन सक्नेछन् । कन्काईको हकप्रदमा सिद्धार्थ क्यापिटलले बिक्री प्रबन्धकको काम गर्नेछ ।
प्रकाशित मितिः २०७४ असार १९
वि.सं.२०७४ असार १९ सोमवार १३:४१ मा प्रकाशित
