काठमाडौ। सिप्रदी ट्रेडिङले टाटा मोटर्सको एस होपर टिपर नेपाली बजारमा ल्याएको छ। कम्पनीका प्रमुख संचालन अधिकृत राजेश गिरीले बढ्दो शहरीकरण,जनसंख्याको चाप,पूराना र साँघुरा सडकमा फोहोरमैला संकलनका लागि टिपर विकल्प भएको बताए ।
फोहोर मैला व्यवस्थापन संघका पदाधिकारीले रिक्सामा फोहोर उठाउनुपर्ने बाध्यता अन्त्य भएको बताए । घर–घर बाट फोहोर संकलनगर्न सकिने कम्पनीले जनाएको छ । कम्पनीका अनुसार संकलित फोहोरलाई सजिलै लोड अनलोड गर्न मिल्ने १.८ क्यूबीक मिटर क्षमता भएको यो टिपरमा सड्ने र नसड्ने फोहोर राख्न दुईवटा छुट्टै कम्पार्टमेन्ट छ । सानो साईजको र राम्रो ट्रनिङ रेडियसको गाडी भएकोले शहरका साँघुरा बाटोमा सजिलै गएर फोहोर संकलन गर्न सकिने कम्पनीका प्रमुख अधिकृत राजनबाबु श्रेष्ठले बताए ।
कम्पनीका अनुसार पावर टेक अफ यन्त्रको व्यवस्था भएकोले प्रयोग गर्न सहज हुन्छ । संकलन गरिएको फोहोर ठूलो गाडीमा अनलोड गर्न सजिलो बनाउन टु वटन रिमोट समेत छ। यो गाडीले ८५–९० डिग्रीसम्म ढल्काएर फोहोर अर्को गाडीमा खन्याउन सक्ने कम्पनीले जनाएको छ । संकलित फोहोरमैला गाडीबाट नखसोस र दुर्गन्ध नफैलियोस भनेर दुवै कम्पार्टमेन्टलाई छोपेर बन्द गर्नको लागि गाडीमा रोलि कभर राखिएको कम्पनीले जनाएको छ ।
प्रकाशित मितिः २०७४ साउन १६
वि.सं.२०७४ साउन १६ सोमवार ११:०४ मा प्रकाशित