काठमाडौं । नेकपा एमाले स्थायी कमिटीको बैठकले ६ जिल्लाका जिल्ला समन्वय परिषद प्रमुख र उपप्रमुखको उम्मेदवार टुंग्याएको छ ।
पार्टी अध्यक्ष केपी ओली निवास बालकोटमा आज सोमबार बसेको बैठकले जिल्ला समन्वय परिषद्का प्रमुख र उपप्रमुखका लागि पार्टी जिल्ला कमिटीबाट आएका सिफारिस तथा प्रदेश संगठन कमिटीको सिफारिस र राय सल्लाह अनुसार निम्न जिल्लामा निम्नअनुसार निर्णय गरेको छ ।
दैलेख : प्रमुख पे्रमबहादुर थापा, उपप्रमुख लक्ष्मी शाह, ताप्लेजुङ : प्रमुख घनेन्द्र मादेन, उपप्रमुख देवीमाया नेपाली, सिन्धुपाल्चोक : प्रमुख गोपाल तामाङ, उपप्रमुख बालकुमारी सापकोटा, धादिङ : प्रमुख जगन्नाथ नेपाल, उपप्रमुख बिन्दा दराम नेपाली, काठमाडौं : प्रमुख शिव वैद्य, उपप्रमुख सरिता दाहाल, सिन्धुली : उपप्रमुख शंकर बर्माको नाम निर्णय गरेको पार्टी सचिव एवं प्रचार प्रमुख योगेश भट्टराईद्वारा जारी विज्ञप्तिमा उल्लेख गरिएको छ ।
१६ साउन २०७४
वि.सं.२०७४ साउन १६ सोमवार १७:४८ मा प्रकाशित
