काठमाडौ । अनलाइन सपिङ प्लेटफर्म दराज डटकम डटएनपीले चार दिने अनलाइन सपिङ कार्निभल भोलिदेखि सुरु हुँदै छ । तत्कालिन केमु डटकम डटएनपीबाट दराज डटकम डट एनपीमा रुपान्तरण भएको उपलक्ष्यमा दोहोरो छुट सहित ‘दराज कार्निभल सेल’ सुरु गर्न लागेको हो ।
भदौ १२ देखि १५ गतेसम्म सञ्चालन हुने कार्निभल सेलमा सेवाग्राहीले हरेक सामानको खरिदमा दोहोरो छुट पाउने छन् । दराजले अहिले प्रदान गरिरहेको छुटमा कार्निभल अवधि भर थप १० प्रतिशत छुट दिने दराजका प्रबन्ध निर्देशक राजिव अमात्यले बताए ।
कानिर्भल अवधिमा दराज डटकम डटएनपीमा लग इन गरी मोबाइल, विद्युतीय सामग्री, लत्ता कपडा, सैन्दर्यका उत्पादन लगायत दैनिक उपभोग्य सामान खरिद गर्नेले छुट पाउने बताइएको छ । आफुले खरिद गरेको सामान चित्त नबुझेको खण्डमा सेवाग्राहीले सात दिन भित्रमा सामान फिर्ता गर्न सक्ने दराजले जनाएको छ ।
प्रकाशित मितिः २०७४ भदौ ११
वि.सं.२०७४ भदौ ११ आइतवार १४:४० मा प्रकाशित