काठमाडौं । जेबिल्स फाइनान्सको आइतबार (असोज १) देखि १०० प्रतिशत हकप्रद सेयर बिक्री खुला भएको छ । जेबिल्सले १ः१ को अनुपातमा (१ कित्ता सेयर बराबर थप १ कित्ता) १०० रुपैयाँ अंकित मूल्यको २८ लाख ८९ हजार ५६२.५० कित्ता सेयर बिक्री खुला गरेको हो । यो हकप्रद सेयर कात्तिक ५ गतेसम्म भर्न पाइनेछ ।
यसमा भदौ १२ गतेसम्म कायम रहेका सेयरधनीले मात्र आवेदन दिन सक्नेछन् । लगानीकर्ताले सनराइज क्यापिटल लिमिटेड कमलपोखरी काठमाडौं र जेबिल्स फाइनान्सको मुख्य कार्यालय न्यूरोड काठमाडौबाट आवेदन दिन सक्नेछन् । त्यसैगरी, सनराइज बैंकका विराटनगर, पोखरा, वीरगंज, बुटवल र नारायणगढ शाखा कार्यालयबाट पनि यो हकप्रदमा आवेदन दिन सकिनेछ । जेबिल्सको बिक्री प्रबन्धक सनराइज क्यापिटल हो ।
हाल जेबिल्सको चुक्ता पुँजी २८ करोड ८९ लाख ५६ हजार रुपैयाँ रहेको छ । हकप्रद निष्कासनपछि भने जेबिल्सको चुक्ता पुँजी ५७ करोड ७९ लाख १२ हजार ५०० रुपैयाँ पुग्नेछ ।
प्रकाशित मितिः२०७४ असोज १
वि.सं.२०७४ असोज १ आइतवार ११:०९ मा प्रकाशित
