काठमाडौं । नेपालको सबैभन्दा पुरानो र विश्वसनिय मोबाइल बजारको रुपमा परिचित पाको मोबाइल बजारले पाको यूथ क्लबको सहकार्यमा दशैं, तिहार र छठको अवसर पारेर प्रबद्र्धनात्मक योजना सार्वजनिक गरेको छ । काठमाडौंको मुटुमा रहेको पाको मोबाइल बजारले ‘होस गर्नुस् कम्प्लेक्समा मोबाइल किन्दा, पाको मोबाइल बजारमा मोबाइल किन्दा छैन चिन्ता’ योजनाअन्तर्गत दशैं, तिहार र छठको अवधिभर मोबाइल खरिद गर्ने ग्राहकहरुलाई बम्पर पुरस्कारमा चारवटा मोटर बाईक दिने छ ।
बजारले मोबाइल खरिद गर्ने ग्राहकहरुलाई लक्की ड्रको माध्यमबाट अपाचे आरटिआर १६० बाईक एउटा, टिभिएस स्ट्राइकर बाईक दुईवटा र वेगो स्कूटर एउटा बम्पर पुरस्कारमा दिने छ । त्यसैगरि मोबाइल खरिद गर्ने ग्राहकहरुलाई ३ वटा माउन्टेन बाईक र एक÷एक वटा टिभी तथा रेफ्रिजेरेटर पुरस्कारमा दिनेछ ।
यतिमात्र नभई ग्राहकहरुलाई विभिन्न ब्राण्डका १० वटा उत्कृष्ट स्मार्टफोनहरु पनि लक्की ड्रको माध्यमबाट पुरस्कार स्वरुप प्रदान गरिनेछ । असोज ४ गते बुधवारदेखि शुरु हुने यो योजना छठसम्म संचालन हुनेछ । यस अवधिभर हरेक मोबाइलको खरिदमा ५ प्रतिशतदेखि ५० प्रतिशतसम्मको नगद छुट समेत पाउनेछन् ।
त्यसैगरि प्रत्येक दिन ग्राहकहरुले अनपेक्षित उपहारहरुमा दैनिकरुपमा २० जनालाई विभिन्न गिफ्ट ह्याम्पर प्रदान गरिनेछ । बजारले ल्याएको योजनाका साथमा विभिन्न मोबाइल कम्पनीहरुले दिने अफरहरु पनि एकैसाथ प्राप्त गर्न सकिनेछ । नेपालकै सबैभन्दा पुरानो र विश्वसनिय एकमात्र मोबाइल बजारको रुपमा परिचित पाको मोबाइल बजारमा भ्याट बिलसहित मोबाइल खरिद गर्न पाईनेछ भने गुणस्तरीय र विश्वस्तरिय मोबाइल तथा एसेसरिज मात्र उपलब्ध छ । पाको मोबाइल बजारमा न्यूनतम १ हजार रुपैयाँदेखि अधिकतम १ लाख रुपैयाँसम्मका विभिन्न ब्राण्डका मोबाइल फोनहरु खरिद गर्न सकिन्छ ।
‘होस गर्नुस् कम्प्लेक्समा मोबाइल किन्दा, पाको मोबाइल बजारमा मोबाइल किन्दा छैन चिन्ता’ योजना सफलरुपमा संचालन गर्नका लागि शिवराज खड्का, श्रीराज महर्जन र महेन्द्र शाहिको संयोजकत्वमा कमिटी गठन गरिएको छ । जसले यस योजना अवधिभर ग्राहकहरुलाई उत्कृष्ट सेवा दिनेछ । योजना सार्वजनिक गर्दै पाको मोबाइल बजारका तीनै जना संयोजकहरुले अन्य कम्प्लेक्सहरुमा भन्दा सूपथ मूल्यमा ग्राहकहरुले पाको मोबाइल बजारमा गुणस्तरीय मोबाइल किन्न सक्ने बताए ।
‘पाको मोबाइल बजार नेपालकै सबैभन्दा पुरानो मोबाइल बजार हो । यहाँ सम्पूर्ण ब्राण्डका गुणस्तरीय सामाग्रीहरु मात्र उपलब्ध छन् । यस्तो उपहार योजना अहिलेसम्मकै सबैभन्दा उत्कृष्ट र ठूलो हो, यो योजनाले ग्राहकहरुलाई ४ वटा बाईक साथमा धेरै किसिमका पुरस्कार जित्ने अवसर ल्याएको छ,’ पाको मोबाइल बजारका संयोजकहरुले भने ।
त्यसैगरि पाको यूथ क्लबका अध्यक्ष प्रविणमान श्रेष्ठले सबैभन्दा पुरानो मोबाइल बजारले आफ्नो ख्याती बढाउँदै लगेको र अहिले उत्सवको अवसर पारेर पुरस्कार योजना ल्याउनु खुशीको विषय भएको बताए । हामी यो योजनालाई सफल पार्न लागेका छौं, पाको मोबाइल बजारमा मोबाइल किन्न आउने ग्राहकहरुका लागि सहज वातावरणमा सिर्जना गर्नेछौं, पाको यूथ क्लबका अध्यक्ष प्रविणमान श्रेष्ठले भने ।
पाको मोबाइल बजारले संचालन गर्ने यो योजना दशैं, तिहार तथा छठको शुभ उपलक्ष्यमा सबैभन्दा धेरै अनि ठुलो र पक्कै पर्ने विभिन्न आकर्षक उपहारहरु पाको मोबाइल बजारमा मात्र सिमित रहनेछ ।
प्रकाशित मितिः २०७४ भदौ ४
वि.सं.२०७४ असोज ४ बुधवार ११:१९ मा प्रकाशित
