काठमाडौं । एपी वान टेलिभिजनको लोकप्रिय रियालिटी शो ‘नेपाल आइडल’को उपाधि बुद्ध लामाले प्राप्त गरेका छन् ।
दर्शकको भोटको आधारमा सबै भन्दा बढी भोट ल्याउन सफल लामालाई विजेता घोषणा गरिएको हो । धादिङमा जन्मिएर पोखरामा बस्दै आएका २० बर्षिय लामा आइडल बन्न सफल भएका हुन् ।
फस्ट रनरअप निशान भट्टराई बनेका छन् । आइडलकै रुपमा हेरिएका मोरंगका भट्टराई दोस्रो महत्वपुर्ण उपाधिमा सिमित भए ।
सेकेण्ड रनरअप प्रताप दास बनेका छन् । ललितपुरका प्रताप प्रतियोगिताको तेस्रो उपाधि सेकेन्ड रनरअपमा सिमित भए ।
नेपाल आइडलले २० लाख नगद सहित महिन्द्रा केयुभि १०० कार र १५ लाख बराबरको एल्वम कन्ट्रयाक्ट प्राप्त गरेका छन् । त्यस्तै फस्ट रनरअपले १५ लाख र सेकेण्ड रनरअपले १० लाख रुपियाँ नगद प्राप्त गरेका छन् । कतारमा घोषणा गरिएको कार्यक्रम प्राविधिक गडबढीका कारण एपी वान च्यानलले भने लाइभ देखाउन सकेन ।
प्रकाशित मिति : ७ असोज २०७४
वि.सं.२०७४ असोज ७ शनिवार ०१:१५ मा प्रकाशित
