काठमाडौ । प्रभु बैंकले ४० प्रतिशत हकप्रद शेयर निष्कासन गर्ने भएको छ । बैंकको हकप्रद खरिद गर्नको लागि पुष २१ गते अगावै सेयरधनी बनिसक्नुपर्ने भएको छ । बैंकले ४० प्रतिशत अर्थात १० बराबर ४ अनुपातमा एक सय रुपैयाँ अंकित दरको २ करोड ३५ लाख २५ हजार ६ सय ८ कित्ता हकप्रद शेयर निष्कासन गर्नेछ ।
राष्ट्र बैंकले तोकेको न्यूनतम चुक्ता पुँजी ८ अर्ब रुपैयाँ पुर्याउन बैंक ४० प्रतिशत हकप्रद सेयर निष्कासन गर्न लागेको हो । हाल बैंकको चुक्ता पुँजी ५ अर्ब ८८ करोड १४ लाख रुपैयाँ छ । हकप्रदपछि बैंकको चुक्ता पुँजी ८ अर्ब २३ करोड ३९ लाख रुपैयाँ पुग्नेछ ।
बुक क्लोज हुनुभन्दा अघि कायम सेयरधनीले मात्र बैंकको हकप्रद सेयरमा आवेदन गर्न पउनेछन् । जस अनुसार पुष २० गतेसम्म कायम रहेका सेयरधनीले बैंकको हकप्रद सेयरमा आवेदन गर्न सक्नेछन् ।
प्रभु बैंकलाई नेपाल धितोपत्र बोर्डले पुस ६ गते ४० प्रतिशत हकप्रदको स्वीकृती प्रदान गरेसँगै सो परिमाणको सेयर थपिने भएको हो । बैंकको हकप्रद सेयरको विक्री प्रबन्धक सनराइज क्यापिटल लिमिटेड रहेको छ ।
चालु आर्थिक वर्षको पहिलो त्रैमासमा प्रभु बैंकले २५ करोड ७ लाख खुद नाफा कमाएर प्रतिसेयर आम्दानी १७ रुपैयाँ ५ पैसा कायम गरेको छ ।
२०७४ पुष ११ गते प्रकाशित
वि.सं.२०७४ पुस ११ मंगलवार १३:४७ मा प्रकाशित
